Apat na taon at pitong buwan,
mula nang isat isa ay unang nasilayan.
Nag-umpisa lamang lahat sa biruan,
hanggang sa isa't isa ay nagkagustuhan.

Pag-ibig na nag-umpisa sa nakaw na sulyap,
at sabay na namin itong pinangarap.
Pag-ibig na sa isa't isa namin nahanap,
at salamat dahil sa amin ito naganap.

Ilang beses kaming sinubok ng tadhana.
Kahit para sa iba ay wala na kaming pag-asa.
Pero nanatili kaming umaasa,
at pagmamahalan sa isa't isa ay di nawala.

Ang isa't isa ang aming pinipili,
at pagibig sa amin ay mananatili.
Tutulungan ang isa't isa at hahalili,
mamahalin at ipagdarasal ang isa't isa palagi.

Ito ang hinintay namin ng matagal.
Ito na ang araw na aming pinagdasal.
Saksihan at samahan ninyo kami na maikasal.
Hayaan ninyong punuin namin ang inyong hapon ng pagmamahal.